Қаңтар оқиғасынан кейін 29 адам азаптау бабымен ұсталған

ҚР Бас прокурорының орынбасары Әсет Шындалиев қаңтардағы тәртіпсіздіктер кезінде азаптау бабымен ұсталғандар арасында ішкі істер және ұлттық қауіпсіздік органдарының өкілдері бар екенін айтты, деп хабарлайды Zakon.kz тілшісі.

Оның айтуынша, барлығы 29 адам ұсталған.

17-сі полиция өкілі, 12-сі ұлттық қауіпсіздік органдарының қызметкерлері. Бес адамға қатысты азаптау фактісі бойынша тағы бір іс сотқа жіберілді. Ол қазір тексеріліп жатыр. Қазақстан Республикасы Бас прокурорының орынбасары Әсет Шындалиев

Сондай-ақ ол қаңтардағы тәртіпсіздіктерге қатысқан 1500-ге жуық адам Президент жариялаған рақымшылыққа ілігетінін мәлімдеді.

Бас прокуратура өкілі Ұлттық қауіпсіздік комитетінің экс-басшысы Кәрім Мәсімовтің ісі қай сатыда екенін айтты.