Соқтығысқан екі автобустың бірінде болған студент: Шыны қабырғаға басыммен қадалдым
Сурет: Zakon.kz
Студент Бейбіт Құрманжан оқыс оқиғадан бірнеше минут бұрын ғана автобусқа мініп, салонның соңғы орындықтарының біріне жайғасқан. Бозбала оқу орнына бара жатқан, жол бойы үнемі телефонына үңіліп отырған.
Сурет: Бейбіт Құрманжанның жеке мұрағатынан алынды
Бір уақытта Бейбіт өзіне тиген қатты соққыны сезеді. Алматылық жігіт не болып, не қойғанын бірден түсіне алмаған. Орнынан көтерілген ол екі автобустың соқтығысқанын, тротуарға шығып, бірнеше адамды қаққанын көреді.
Автобусты бос болды деп айтса да болады, ішінде небәрі оншақты адам бар еді. Бірнәрсе түсінетіндей болғанымыз жоқ, бәрі тым тез болды. Жолаушылар есеңгіреп мәңгіріп қалды, тіпті айқай да естілген жоқ. Автобус бізді шайқап, барлығымыз жан-жаққа ұштық, автобустағы әртүрлі заттар да ұшып, адамдарға тиді. Мен автобустың ішіндегі шыны қабырғаға басыммен қадалдым. Ол сынып, мені кесіп кетті. Студент Бейбіт Құрманжан
Бейбіт автобус ішінде адамдардың өзімен бірге алып жүрген заттары шашылып кеткенін айтады. Еденге қан тамған, сонымен қатар барлық терезе сынған, ұстап тұруға арналған тұтқалар үзіліп, есіктер де қираған.
Мен сыртқа шығуға ұмтылғанымда автобустың ішінде ешкім болмады. Көшедегі адамдар бірден бізге қарай көмекке ұмтылды, менің беті-қолымды жуды. Содан кейін жедел жәрдем көлігін тежемес үшін емханаға кеттім. Менің жағдайым басқаларға қарағанда едеуір тәуір болды. Бетімдегі жарақаттар болмаса, – дейді зардап шегуші.
Емханада Бейбіттің жарасы орнынан шыныны алып, кесік-тілік жерлерін зарарсыздандырып берген. Тексеруден кейін студент оқиға орнына оралған, онда да ауруханаға жатудан бас тарту үшін.
Сондай-ақ, жігіт көшеде сол маңнан өтіп бара жатқан адамдардың барлығы зардап шеккендерге көмектесуге тырысқанын есіне алады. Оқиға орнына жедел жәрдем көліктері бірінен соң бірі келіп, жолаушылардың көпшілігін ауруханаға алып кеткен.
Алдын ала мәліметтер бойынша, 201-ші бағыттағы автобус Төле би көшесімен тура жүріп келе жатқан, 98-ші нөмірлі автобус Абылай хан көшесімен жоғары қарай бағыт алған. Жол қиылысында екеуі соқтығысқан.
Автобустардың қатты соқтығысуы салдарынан бір адам қаза тауып, 21 адам түрлі жарақат алды.
Аталған факт ҚР Қылмыстық кодексі 345-бабы, 3-бөлігі бойынша сотқа дейінгі тергеп-тексерудің бірыңғай тізіліміне тіркелді. Мән-жай анықталып жатыр.
Оқи отырыңыз
