Алматыдағы көпқабатты тұрғын үйдің жеделсатысына қатысты оқиғаға ТЖД түсінік берді

Сурет: Zakon.kz

Оқиға орнына Бостандық аудандық ТЖБ-ның жауапты инспекторы келіп жетті, ол ішінде жүкті келіншек болған жеделсаты төменге құламағанын анықтады, деп хабарлайды Zakon.kz.

Қалалық ТЖД баспасөз қызметі хабарлағандай, автомат іске қосылып, жеделсаты бұғатталған.

Жеделсатының құлағаны туралы ақпарат расталмады, "Премьер лифт" қызмет көрсетуші компания өкілінің айтуынша, 14-қабатта жеделсаты бұғатталып қалған, оны сырттан ашып, ішінен осы подъезде 7-қабатта тұратын 1996 жылғы азамат босатылды, - делінген хабарламада.

Жас келіншек зардап шеккен жоқ.

Алдында Алматыдағы Құсайынов көшесіндегі көпқабатты үйлердің бірінде жеделсаты 13-қабаттан төменге құлағаны хабарланған болатын. Оқыс оқиға кезінде жеделсаты ішінде жүкті келіншек болғаны да айтылған.

Оқи отырыңыз