Алматы-2 вокзалының ғимаратында өрт болды

29 қараша күні Алматы-2 вокзалының ғимаратында өрт шықты, деп хабарлайды Zakon.kz.

ҚР Төтенше жағдайлар министрлігінің хабарлауынша, вокзал ғимаратындағы төбенің өртеніп жатқаны туралы хабарлама сағат 14:08-де түскен.

"Алдын ала болжам бойынша 100 шаршы метр аумақта вокзалдың бас ғимаратының шатырының жабыны өртенді. Адамдар ғимараттан өз бетінше шығып кетті, зардап шеккендер жоқ".ҚР Төтенше жағдайлар министрлігінің баспасөз қызметі

Өрт 14:30-да оқшауланып, 14:50-де жойылды.

"Вокзал қалыпты жұмыс істеп тұр. Пойыздардың кешігуі болған жоқ".ҚР Төтенше жағдайлар министрлігінің баспасөз қызметі

15:15-те жаңартылды

Төтенше жағдайлар министрлігінің мәліметінше, көрсетілген өрт аумағы - 30 шаршы метр.

11 қараша күні Алматыда барахолка аумағында ірі өрт шықты. 1500 шаршы метр аумақтағы қойма ғимаратында инвентарлық заттар жанған.