Көкшетауда облыстық соттың ғимаратында өрт болды

12 наурызда Көкшетауда орналасқан Ақмола облыстық сотының ғимаратында өрт болды, деп хабарлайды Zakon.kz.

ҚР ТЖМ мәліметінше, өрт сағат 19.55-темболды.

"Көкшетау қаласында Назарбаев даңғылында орналасқан әкімшілік ғимаратта өрт болды. Қызыл жалын 40 шаршы метр аумақты қамтыды. Ақмола облысы ТЖД-ның 30 құтқарушысы мен 8 бірлік техникасы дереу шақырту орнына аттанды", делінген хабарламада.

Өрт сағат 20-12-де оқшауланып, 20-30-да толығымен жойылды.

Зардап шеккендер жоқ. Өрттің себебі анықталу үстінде.