Қызылорда облысында Самара-Шымкент тас жолының бір бөлігі жабылды

30 қарашада елорда уақыты бойынша сағат 20:45-те Қызылорда облысында Самара-Шымкент тас жолының белгілі бір учаскесінде көліктің барлық түрлері үшін қозғалыс шектелді, деп хабарлайды Zakon.kz.

"ҚазАвтоЖол "ҰК" АҚ түсіндіріп өткендей, аталған тас жолдың 1803-1912 шақырым аралығында, яғни Қызылорда қаласынан Байгеқұм ауылына дейінгі учаскеде ауа райының нашарлауына байланысты шектеу енгізілді.

Синоптиктердің болжамында өңірде қар жауады деп болжанады.

Бұған дейін 1 желтоқсанда Қазақстанның бірнеше облысында дауылды ескерту жарияланғаны хабарланған.