Петропавлда су құбыры желісінде тағы апат орын алды
Сурет: pixabay
Петропавлдағы су құбыры желісінде құбыр жарылды, деп хабарлайды Zakon.kz.
Бұл туралы қала әкімі Руслан Анбаев Instagram-дағы парақшасында жазды.
Құрметті қала тұрғындары. Жұмабаев көшесі бойынша су құбыры жарылды. "Қызылжар су" ЖШС апатты-қалпына келтіру бригадасы ақауды жою жұмыстарын бастады. Мен қазір оқиға орнындамын. Су құбыры краны жабылды, мамандар себебін анықтап жатыр. Қазіргі уақытта қаланың көп бөлігінде су желісіндегі қысым төмендеген. Петропавл қаласының әкімі Руслан Анбаев
Шамамен 15 үй судан ажыратылды. Сондай-ақ, қазіргі уақытта облыстық балалар ауруханасы, бейімдеу орталығы және ПХБК және "Севказэнерго" АҚ да сусыз қалып отыр.
Қала мүлдем сусыз қалмайды. Бірнеше сағаттан кейін біз судың қысымын біртіндеп көтереміз. Апат орын алған учаскедегі тұрғын үйлер мен әлеуметтік нысандарға су жеткізу жүзеге асырылып жатыр. Петропавл қаласының әкімі Руслан Анбаев
6 қарашада Петропавлда қар жауғаннан кейін су құбыры зақымданған. 14 үйге су беру уақытша тоқтатылды, қала бойынша су желісіндегі қысым төмендеді.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
