Павлодарда өрт сөндірушілер өртеніп жатқан ғимараттан бірнеше газ баллонын алып шықты

Төтенше жағдай, сурет - Zakon.kz жаңалық 05.12.2022 20:15

Сурет: ҚР ТЖМ

5 желтоқсанда Павлодарда бірқабатты өндіріс ғимаратында өрт шықты. Оқиға орнына шұғыл жеткен өрт сөндірушілер бірнеше газ баллоны үстінен түскен, деп хабарлайды Zakon.kz.

Жағдайдың қиындауына жол бермеу мақсатында өрт сөндірушілер оқиға болған жерден 5 газ (27 л.) және 2 оттегі баллонын шығарды.

Қызыл жалын шамамен 250 шаршы метр алаңға тараған.

Өрт сөндірушілердің жедел іс-қимылы арқасында өрт көрші ғимараттарға таралған жоқ. Сондай-ақ өрт сөндірушілер келгенге дейін 13 адам өз бетінше оқиға орнынан эвакуацияланды. ҚР ТЖМ баспасөз қызметі

Жалын сағат 17:29-да оқшауланды. Зардап шеккендер жоқ.

Өртті сөндіруге 35 өрт сөндіруші мен 7 бірлік өрт техникасы, жедел-құтқару жасағының құтқарушылары, апаттар медицинасы орталығының медицина қызметкерлері жұмылдырылды.

Қазіргі уақытта өрт оқшауланды. Тілсіз жауды сөндіру жұмыстары әлі жүргізіліп жатыр.