Семейде өрт сөндірушілер баланы өртеніп жатқан пәтерден алып шықты

Полицейлер өртеніп жатқан үйден баланы құтқарды, сурет - Zakon.kz жаңалық 03.01.2023 16:21

Сурет: Абай облысы ТЖД

2 қаңтарда өрт сөндірушілер оқиға кезінде үйде жалғыз қалған 2018 жылы туған баланы жанып жатқан пәтерден алып шықты, деп хабарлайды Zakon.kz.

"2 қаңтар күні сағат 17:16-да «112» пультіне Семей қаласының Шәкәрім көшесі бойындағы пәтер өртеніп жатқаны туралы хабарлама келіп түсті. Бұл жерге дереу Абай ауданы бойынша қызметкерлер жөнелтілді".

Келген бойда 9 қабатты тұрғын үйдің 5-қабатында жеке заттар, жиһаздар, тұрмыстық техника және терезе блогы жанып жатқаны белгілі болды. Барлау кезінде өрт сөндірушілер қабырға құрылымын бөлшектеуге мәжбүр болды.

Өрт орнынан 2018 жылы туған бала құтқарылды. Ол өрт кезінде 4 бөлмелі пәтерде жалғыз болған. Қазір көмірқышқыл газынан уланды деген күдікпен облыстық балалар ауруханасына жеткізілді.

Абай ауданы Төтенше жағдайлар департаменті қала тұрғындары мен қонақтарына күнделікті өмірде өрт қауіпсіздігі ережелерін қатаң сақтау қажет екенін ескертеді.

2 қаңтарда Петропавлда студент ер адамды өрттен аман алып қалды.

Оқи отырыңыз