Алматылық өрт сөндірушілер жанып жатқан үйден 93 жастағы әжені алып шықты

Сурет: Zakon.kz

Алматылық өрт сөндірушілер 1929 жылы туған әжені өртеніп жатқан үйден алып шықты, деп хабарлайды Zakon.kz.

Бакинская көшесіндегі жеке тұрғын үйде өрт шыққаны туралы хабарлама 2022 жылғы 22 желтоқсанда сағат 13:51-де келіп түскен.

Үйдің шатыры өртенген. Одан өрт жанындағы қоражайға тараған.

Ең жақын бөлімшелер өрт орнына хабарлама түскен соң 4 минуттан кейін жетті. Адам бар-жоғын барлау кезінде 1929 жылы туған әжей құтқарылды. Өрт 14:15-те (келген сәттен бастап 20 минутта) оқшауланып, 14:27-де (келген сәттен 32 минуттан соң) сөндірілді. Алматы қаласы төтенше жағдайлар департаментінің баспасөз қызметі

4-мамандандырылған өрт сөндіру бөлімінің қарауыл бастығы, бас инженер Асылхан Тұран терезені шағып жатқанда, көмекке келген өрт сөндіру бөлімінің командирі Санжар Тайсариев пен өрт сөндіруші-құтқарушы Нұржан Жанқұразов есікті бұзып, үйге кірді. Құлыптаулы бөлмеде өрттен бейхабар қарт кісі жатқан.

Асылхан Тұран, Санжар Тайсариев пен Нұржан Жанқұразов әжейді сыртқа шығарып, жедел жәрдем бригадасына тапсырды.