Тараз локомотив депосының жұмысшылары жалақыны көтеруді сұрап, наразылық білдірді
Сурет: Zakon.kz
13 желтоқсан күні таңертең "Қамқор локомотив" ЖШС Тараз локомотив депосының жұмысшылары жұмыстан шығып, наразылық акциясын ұйымдастырды. Қазір депо жұмысшылары айына 70 000 теңге алады, деп хабарлайды Zakon.kz
Ал цехта бір ауысым 12 сағатқа созылады. Олар кәсіпорын басшылығынан жалақыны көтеріп, әлеуметтік сыйлықақы төлеуді талап етіп отыр.
Әлеуметтік желіде жергілікті блогерлер түсірген видеолар пайда болды.
Жамбыл облысы әкімінің орынбасары Қанатбек Мәдібектің айтуынша, қазір көлік прокуратурасы мен қалалық әкімдік өкілдері аталған жерге аттанған.
"Қызметкерлер мереке күндеріне байланысты жалақы мен сыйақыны көтеруді талап етіп отыр. Кәсіпорын басшылығымен келіссөздер нәтижесінде қандай шешім қабылданатынын біз міндетті түрде хабарлаймыз. Әзірге бұл мәселемен айналысып жатырмыз деп айта аламыз", - деді Жамбыл облысы әкімінің орынбасары Қанатбек Мәдібек.
Кәсіпорын басшылығы жұмысшылардың талабына әлі жауап бермей отыр. Тілшілер компания басшылығына да хабарласа алмаған.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
