Митингіге қатысушыларды бақылаған әскери киім киген адамдар әлі табылмады - Бас прокурор

Сурет: Zakon.kz

Мәжілісте Бас прокурор Берік Асылов Алматыда әскери киім киген, митингке қатысушыларды бақылайтын, сапалы байланыс құралдары бар қарулы жасақтар кімдер деген сұраққа түсініктеме берді, деп хабарлайды Zakon.kz.

ҚР парламенті мәжілісінің депутаты Ерлан Саиров қаңтар оқиғасы кезінде Алматыда жоғары сапалы байланыс құралдарымен жабдықталған әскери киім киген толық қаруланған топтар пайда болғанын еске салды.

"Олар содырларды, қатысушыларды бақылап отырды. Бір топ балалар жұқпалы аурулар диспансерінің филиалын қоршап алды. Рацияның көмегімен бақылап, реттеп отырды. Бірақ кейін олар кенеттен жоғалып кетті. Азаматтар олардың жүріс-тұрысын фотоға түсіріп үлгерген. Жалпы олардың жеке басы бір жылда анықталды ма? Оларды қару-жарақпен, заманауи байланыс құралдарымен кім қамтамасыз етті? Ол жағы тексерілді ме? Неге бұл жағдай жан-жақты зерттелмей жатыр? Олардың тікелей қастандық жасаушыларға қатысы бар деп ойлаймын".ҚР парламенті мәжілісінің депутаты Ерлан Саиров

Бұған жауап ретінде Бас прокурор Берік Асылов бұл нәрсе күрделі мәселелердің бірі екенін айтты.

"Осы фактілер бойынша арнайы тергеу тобы құрылып, олар тиісті шараларды қолға алып жатыр. Әскери киім киген адамдардың барлығы көшеде бөгет жасады, мұндай фактілер болды. Ал балалар жұқпалы диспансерінің филиалына келсек, әрине, бұл аумақта мұндай адамдар болды. Ол күндері оларды ұстауға мүмкіндік болмады, олардың барлығы жоғалып кетті. Ол адамдар кімдер? Біз әлі олардың кім екенін анықтаған жоқпыз".Берік Асылов

Берік Асылов бұл ретте олардың кім екені анықталатынына сендірді.

"Олардың қайда жоғалғанын, кім екенін әлі анықтаймыз. Бұл уақытты талап етеді. Бүгінде жедел-іздестіру шаралары жүргізіліп жатыр. Қосымша ақпарат болса, әрине хабарлаймыз".Берік Асылов

Бұған дейін Асылов қаңтардағы тәртіпсіздіктен кейін қанша адам сотталғанын айтқан еді.

Оқи отырыңыз