Бартоғай су қоймасында тұрып қалғандардың бәрі неге бірден эвакуацияланбады
Сурет: gov.kz
5 қаңтар сағат 09:00 жағдай бойынша Бартоғай су қоймасындағы қар құрсауынан 81 адам (57 ер, 16 әйел және сегіз бала) эвакуацияланды. 22 техника құтқарылды, 12 жүргізуші мен 16 техника эвакуацияланды. Оның ішінде төртеуі бұзылған. Қар құрсауында қалғандардың арасында әйелдер мен балалар жоқ.
"Эвакуацияны бүгін сағат 9:40-та 23-25 шақырым аралығындағы жолға, Батанға жетпей жатқан үш қар көшкіні қиындатып отыр. Жолды "Казселезащита" мен ДСУ-13 күштері тазартып жатыр. Алматы Республикалық жедел құтқару жасағы және Алматы облысы Төтенше жағдайлар департаментінің күштері құтқаруға жұмылып жатыр".Алматы облысы Төтенше жағдайлар департаментінің баспасөз қызметі
Ведомство кептеліп қалған колоннаны Төтенше жағдайлар департаментінің қызметкерлері, Республикалық жедел құтқару жасағы, фельдшерлер алып бара жатқанына сендірді. Олар өтуге қабілетті көліктерді пайдаланып, екі ауысымдағы көліктерде жылыту пунктін ұйымдастырды. Сонымен қатар ЖАО және еріктілермен бірге жанар-жағармай, жылы көрпе және азық-түлік (түскі ас қораптары, бутербродтар, котлеттер, макарон өнімдері) жеткізу ұйымдастырылды.
3 қаңтар күні Алматы облысында жеті адамнан тұратын отбасы адасып кетті. Олар 2 қаңтарда екі жеңіл көлікпен Алматыдан Асы үстіртіне қарай шығып, үйлеріне оралмаған. Кешке қарай отбасы табылды. Олардың көліктері Бартоғай су қоймасының таулы аймағында тұрып қалған 40 көліктің ішінде болды.
4 қаңтарда Алматы облысында Түрген өзенінің шатқалына қар көшкіні түсіп, тас жолды жауып тастады.
Сол күні кешке Бартоғай су қоймасында таулы аймақта тұрып қалған көліктер саны 38-ге дейін азайғаны белгілі болды (барлығы 53 болған). Алматы облысының Төтенше жағдайлар департаменті эвакуациялау қардың қалың жаууы мен жолға көшкіннің түсуіне байланысты қиындағанын хабарлады.
