Ақмола облысында полицейлер 1200-ден астам көлікті қарлы бораннан алып шықты

Ақмола полицейлері 1200-ден астам көлікті қарлы бораннан алып шықты , сурет - Zakon.kz жаңалық 05.01.2023 23:37

Cурет: polisia.kz

Ақмола облысы аумағында жаңа жылдың алғашқы күндері ауа райы қолайсыз болды. Осының салдарынан жолдарда көп көлік жиналған, деп хабарлайды Zakon.kz.

Ақмола облысы жергілікті полиция қызметі басқармасы патрульдік полиция батальоны мен ротасының қызметкерлері 4 қаңтар күні сағат 12:00-ден кейін автокөліктердің көптеп жиналуына байланысты төрт бағанмен ілесіп жүру жұмыстарын ұйымдастырды.

Polisia.kz хабарына қарағанда, полицейлер 500-ге жуық жеңіл және 70-ке жуық жүк көлігімен ілесіп жүрді.

"Щучинскіден Астанаға жүріп бара жатқан 170-ке жуық жеңіл және Астанадан Щучинскіге 100 жүк көлігі аман-есен жетті. 270-ке жуық көлік құралының колоннасын Жібек Жолы кентінен Қарағанды облысының Анар станциясына дейін полиция қызметкерлері ілесіп жүрді", - делінген хабарламада.

Патрульдік полиция батальонының қызметкерлері Анар станциясынан Астанаға дейін 160-қа жуық автокөлікті, оның ішінде 30 жүк көлігімен ілесіп жүрді.

Іс-шараға 93 полиция қызметкері мен 56 патрульдік автокөлік жұмылдырылған.

Оқи отырыңыз