Блогер Махамбет Әбжан 9 жылға сотталды

3 ақпанда сот Әбжан Махамбетті кінәлі деп тауып, 9 жылға бас бостандығынан айырды, деп хабарлайды Zakon.kz.

Астана қаласының қылмыстық істер жөніндегі мамандандырылған ауданаралық соты Махамбет Әбжанды Қазақстан Республикасы Қылмыстық кодексінің 274-бабының 3-бөлігімен, 194-бабының 4-бөлігінің 2-тармағымен кінәлі деп таныды.

Оған тоғыз жылға бас бостандығынан айыру жазасы кесілді.

3 шілдеде жүргізілген арнайы операцияның нәтижесінде азамат Әбжан 50 миллион теңге алғаннан кейін ұсталып, Нұр-Cұлтан қаласы ПД УҰИ-ға қамауға алынды. Әбжанның басқа да ұқсас қылмыстарға қатыстылығы туралы ақпарат тексеріліп жатқандығы да айтылады.