Алматыда "барахолка" базары тағы өртеніп жатыр

Оқиға орнына 3 минутта келіп жеткен өрт сөндірушілер "Сәлем" базарында екіқабатты контейнерлердің отқа оранғанын анықтады, деп хабарлайды Zakon.kz.

6 ақпанда сағат 21:09 уақытында Алматы қаласы ТЖД күштері мен құралдары шақырту орны - Жетісу ауданы, Бөкейханов көшесі, 508а мекен-жайына аттанды. Алғашқы өрт сөндіру бригадасы оқиға орнына 3 минутта келіп жетіп, "Сәлем" базарында екіқабатты контейнерлерінің отқа оранғанын анықтады.

Сурет: ҚР ТЖМ баспасөз қызметі

Алдын ала ақпарат бойынша, өрт шалған алаң 120 шаршы метрді құрайды. 

Сурет: ҚР ТЖМ баспасөз қызметі

"Сағат 21.42-де өрт оқшауланды, оттың өзге контейнерлерге ұласпасы үшін алдын ала шаралар қабылданды. Зардап шеккендер мен қаза тапқандар жоқ". Алматы қаласы ТЖМ баспасөз қызметі

Сурет: ҚР ТЖМ баспасөз қызметі