Түркияда тағы алты жер сілкінісі тіркелді

Түркия, жер сілкінісі, сурет - Zakon.kz жаңалық 09.02.2023 15:44

Сурет: Anadolu Agency

Еуропа-Жерорта теңізі сейсмологиялық орталығы (EMSC) Түркияның орталық және шығыс бөлігінде алты жер сілкінісін тіркеді, деп хабарлайды Zakon.kz.

EMSC мәліметінше, магнитудасы 4,8 балл болатын жер сілкінісі Кахраманмараштан 44 шақырым жерде және Бахче қаласынан шығысқа қарай 12 шақырым жерде тіркелген.

Бұған қоса орталық тағы бес жер сілкінісі болғанын хабарлады:

Кахраманмараштың солтүстік-батысына қарай 62 км және Гөксунның солтүстік-шығысына қарай 12 км жерде мгнитудасы 3,4 балл;
Кахраманмараштың солтүстік-батысына қарай 52 км және Гөксунның шығысына қарай 15 км жерде магнитудасы 4,3 балл;
Гөлбашыдан солтүстікке қарай 29 км жерде магнитудасы 3,3 балл;
Кахраманмараштан солтүстік-шығысқа қарай 62 км және Елбистаннан оңтүстік-шығысқа қарай 16 км жерде магнитудасы 3,4 балл;
Диярбакырдан солтүстік-батысқа қарай 61 км және Дикледен солтүстікке қарай 11 км жерде магнитудасы 3,5 балл.