Абай облысындағы моншада шыққан өрттен адамдар зардап шекті

Абай облысындағы моншада шыққан өрттен екі ер кісі зардап шекті, деп хабарлайды Zakon.kz.

Төтенше жағдайлар министрлігі баспасөз қызметінің мәліметінше, 10 ақпанда кешкі сағат 7 шамасында Қаржаубайұлы көшесінде монша кешенінде өрт болғаны туралы хабарлама келіп түсті.

"Газгольдердің жеке тұрған үй-жайында газ ағып, алдын-ала болжам бойынша жалпы ауданы 75 шаршы метр жақын маңдағы қазандыққа таралған. Өрт кезінде екі ер кісі зардап шекті", - делінген хабарламада.

Өрттің себебі анықталып жатыр.

Өртті жоюға барлығы 8 бірлік техника мен жеке құрамның 27 адамы жұмылдырылды.