Тәжікстанда қар көшкіні жүріп, 14 адам қайтыс болды

Тәжікстанда қар көшкіні салдарынан қаза тапқандар саны 14 адамға жетті, деп хабарлайды Zakon.kz.

Төтенше жағдайлар және азаматтық қорғаныс комитетінің мәліметінше, Тәжікстанның Таулы Бадахшан автономиялық облысының Хорог қаласында қар көшкіні жүрді.

"13 адам қайтыс болды, Душанбе – Варзоб тас жолының 65-шақырымында (Варзоб ауданы) тағы бір жүргізуші қаза тапты", – деп хабарлады ведомствоның баспасөз қызметі.

Ақпан айының басында Румынияда қар көшкіні жүріп, 60 турист қонақүйде қалып қойды. Қар көшкіні шамамен 1600 м биіктіктегі Фэгэраш тауында жүрді.