Алматы облысында бүтін бір ауыл халқы қалаға қатынай алмай отыр
Сурет: Zakon.kz
Жұрт, автобустың санын көбейтудің орнына қысқартып жатқан билік өкілдерінің бұл ісін құптамайды. Ал, атқамінерлердің халық үніне құлақ асар түрі жоқ, деп жазады Информбюро арнасы.
Ауылға кіретін жалғыз автобустың жүрісін аңдыған тұрғындар қоғамдық көліктің бағытын өзгертуге түбегейлі қарсы. Өйткені бұған дейін Саяхат автобекетіне дейін жеткізетін автобустың енді қаланың кіреберісіндегі Қалқаман ықшам ауданына дейін баратыны халыққа тиімсіз дейді. Осының кесірінен қалаға қатынауымыз қиындады дейді. Күнделікті шығын көбейіп, жететін жерімізге кешігетін болдық деп отыр.
Райымбек ауылының тұрғыны Серік мықтыбаевтың сөзінше, 23 автобус Райымбек, Қырғауылды, Абай ауылдарынан өтетін жалғыз маршрут болған.
Сонымен бірге тұрғындар аялдамаларда автобустарды да тағатсыз күтуге мәжбүр. Күнделікті 4-5 қана қоғамдық көлік шығады дейді. Бірнеше елдімекенді басып өткендіктен кейде орын тапшылығы да байқалады деп отыр және көпшілігі такси ұстап кетуге мәжбүр.
"Қазір біз таксимен қатынап жүрміз. 150 теңгемен. 150 теңгемен алып келеміз, үйімізге 150 теңгемен келеміз. Түсте тағы келеміз мектептен алып кетеміз. Ойлаңызшы күніне 600 теңге." Халима Оразалиева, Райымбек ауылының тұрғыны.
Ал қарашаның күйттеген мәселесіне жауап беру үшін Автопарк басшысы көпшілік жиналған жерге келді. Ол әзірге ешқандай автобусты қоспайтынын айтып, қалалық әкімдіктен бағыт бойынша талаптар қойылғанын жеткізді.
"Саяхатқа дейінгі мәселе магистральға жаңа маршрут күзде ашқан 40 автобус жүріп жатыр. Олар жүріп жатқан соң оптимизация деп бізді қысқартып жатыр. Бізге ауылдың адамдарын шығарып беріңдер, Алтын орда, Қалқаманға дейін деп. Сол үшін ол маршрутты өзгертті олар. Бізге сондай схема берді." Қазыбек Жарасбаев, автопарк басшысы.
Ал 47 мыңнан астам тұрғыны бар Райымбек ауылдық округінің халқы қоғамдық көліктің жетіспеушілігінен қалаға қатынау үлкен уайым болды дейді. Жиналғандар 23 автобус бұрынғы бағыты бойынша жүрісін жалғастырса деп отыр. Ал оның нақты қалай шешілетіні енді болашақтың еншісінде.
