Қазақстанда қолайсыз ауа райына байланысты тағы бір жол жабылды

Ақмола облысында сынап бағанының күрт төмендеуіне және көктайғаққа байланысты республикалық маңыздағы тас жолдың бір бөлігі жабылды, деп хабарлайды Zakon.kz.

"Қазавтожолдың" мәліметінше, 23 ақпанда сағат 19:30-дан бастап Астана-Петропавл тас жолының Астанадан Щучинскіге дейінгі аралығы көліктің барлық түрлері үшін жабық.

Алдында Ақтөбе облысында ақтүтек боран мен айналаның көріну деңгейінің нашарлауына байланысты төрт республикалық трассада жол учаскелері жабылғаны хабарланған болатын.