Италияда мигранттар мінген желкенді қайық суға кетіп, 59 адам қайтыс болды

Соңғы мәліметтер бойынша, Италия жағалауында қаза тапқандар саны 59-ға жетті. Қаза тапқандар арасында 12 бала бар, деп хабарлайды Zakon.kz.

Ауғанстан мен Ираннан адам таситын кеме желкенді қайық болған. 26 ақпанда таңертең ол Италиядағы Стеккато-ди-Кутро жағалау курорты маңында дауыл салдарынан суға батып кетті, деп жазды Reuters.

Бастапқыда 40 адам аман қалып, 30 адам қаза тапты деп болжанған еді. Кеме суға батқаннан кейін бір тәулік өтпестен Италияның ішкі істер министрі Маттео Пиантедоси кем дегенде 59 адам, оның ішінде 12 бала қайтыс болғанын хабарлады. 20-30-дай адам адам із-түзсіз кетті деп саналып отыр. Сонымен бірге, нақтыланған ақпарат бойынша, бортта 200-ге жуық мигрант болған.