Ақмолада анасымен болған жанжалдан кейін үйден кетіп қалған жасөспірім табылды

Жоғалған жасөспірім табылды, сурет - Zakon.kz жаңалық 16.03.2023 13:33

Сурет: ҚР ІІМ

15 наурыз күні Қосшы қаласының полиция бөліміне жергілікті тұрғыннан 14 наурыз күні кешкі сағат 23:00 шамасында жанжалдан кейін үйден белгісіз бағытта кеткен кәмелетке толмаған қызын іздеуге жәрдемдесу туралы телефон арқылы хабарлама келіп түсті.

Сәтсіз іздеуден кейін әйел полицияға жүгінген. 15 жастағы ақмолалықтың жоғалып кету фактісі бойынша полиция бөлімінің қызметкерлері дереу шығып, оның орналасқан жерін анықтау бойынша алғашқы іздестіру іс-шараларын жүргізді.

Тәртіп сақшылары жасөспірімнің баруы мүмкін барлық жақын аумақтар мен бағыттарды тексеріп өтті. Қабылданған шаралардың нәтижесінде қыз Лесная Поляна тұрғын ауданы аулаларының бірінен табылып, анасына тапсырылды.

Кәмелетке толмағанға қатысты үйден тыс уақытта ешқандай заңсыз әрекеттер жасалмағаны анықталды. Баламен және оның анасымен профилактикалық әңгіме жүргізілді.

Оқи отырыңыз