Қарағанды облысының тұрғыны ұрланған телефон арқылы ақша шешіп алған
![Ұрланған телефоннан ақша шешіп алды, сурет - Zakon.kz жаңалық 17.03.2023 12:52](https://kaz.zakon.kz/pbi/WEBP/2023-12-20/file-243b569a-beb8-4c29-9a65-39db1112111d/800x450.webp)
Қарағанды облысы Қарқаралы аудандық полиция бөліміне ауданға қарасты ауылдың 63 жастағы зейнеткері арызбен шағымданды.
Жәбірленуші полиция қызметкерлеріне абайсызда телефонын жоғалтып алғанын, кейін сол телефонның мобильдік қосымшасы арқылы белгісіз біреу соңғы төрт айда жинаған 660 мың теңгесін шешіп алғанын айтты.
Криминалдық полиция қызметкерлерімен жүргізілген жедел-іздестіру іс-шаралары барысында осы іске қатысы бар деген күдікпен 27 жастағы азамат ұсталды. Тергеу әрекеттері барысында жәбірленуші телефонды жоғалтпағаны, керісінше күдікті оны ұрлап алғаны белгілі болды.
Кейін күдікті ұрланған телефонның мобильдік қосымшасы арқылы барлық ақшаны шешіп алған. Аталған дерек бойынша ҚР ҚК-нің 188-бабына сәйкес қылмыстық іс қозғалды. Тергеу әрекеттері жүргізіліп жатыр.