ҰҚК қызметкерлері 100 келіден аса героин тәркіледі
![Есірткі таратып жүрген адамдар ұсталды, сурет - Zakon.kz жаңалық 27.03.2023 09:15](https://kaz.zakon.kz/pbi/WEBP/2023-12-20/file-e43fb963-b1c9-4d9a-a43a-44c8a5cf81ee/800x450.webp)
ҰҚК жедел қызметкерлері жедел зерделеу барысында есірткі трафиктерін қалыптастыратын елдерде Қазақстан арқылы өзге шет елдерге шығаруға арналған апиын тектес есірткілердің ірі партиясы жинақталғаны жайында ақпаратқа қол жеткізді.
Кезең кезеңімен есірткіні тасымалдаудың жолдары мен айламен әкелу схемалары анықталды.
![Есірткі саудасымен айналысқан адамдар ұсталды, сурет - Zakon.kz жаңалық 27.03.2023 09:15](https://kaz.zakon.kz/pbi/WEBP/2023-12-20/file-4b772389-be01-452b-85b6-53288a166a52/475x613.webp)
Сурет: ҚР ҰҚК баспасөз қызметі
Арнайы іс-шаралар нәтижесінде есірткіні өткізуді ұйымдастырушының өзі болып табылатын шетелдік азаматтың Қазақстанға келетіні туралы нақты мәлімет алынды.
"Жедел қызметкерлердің және «А» Арнайы мақсаттағы қызметтің келісілген әрекеттерінің арқасында Алматы қаласында 100 келіден аса героинды тасымалдау кезінде есірткі арнасының ұйымдастырушысы ұсталды." ҚР ҰҚК баспасөз қызметі
Материал Сотқа дейінгі тергеудің бірыңғай тізіліміне тіркелді, тергеу амалдары жүргізілуде.
Халықаралық есірткі трафигі арналарының жолын кесу бойынша жұмыс жалғасуда.