Түркістан облысынан 94 рет бензин мен дизель отынын әкетуге әрекеттенген
Сурет: ҚР ІІМ
Қазақстаннан бензин мен дизель отынын заңсыз әкету тоқтатылды. Бұл туралы Zakon.kz тілшісіне Қаржы министрлігінің баспасөз қызметінен хабарлады.
Ведомствоның мәліметінше, Түркістан облысы бойынша Мемлекеттік кірістер департаментінің кеден бекеттері мұнай өнімдерін заңсыз әкету бойынша 94 фактіні анықтаған.
«Осы фактілер бойынша сот 1,5 миллион теңгеден астам сомаға айыппұл салып, 2 341 литр бензин, 25 335 литр дизель отыны тәркіленді», - делінген хабарламада.
Айта кетейік, елде автомобиль көлігімен Қазақстан аумағынан бензин, дизельдік отын мен мұнай өнімдерінің жекелеген түрлерін шығаруға алты ай мерзімге тыйым салынған болатын.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
