Жұма күні Атырауда қолайсыз ауа райы болжанды
Сурет: unsplash
Атыраудағы метеорологиялық жағдайлар атмосферада ластаушы заттардың жиналуына ықпал етеді. Республиканың басқа қалаларында қолайлы ауа райы сақталады.
Ластану деңгейінің қалыптасуын анықтайтын маңызды факторлардың бірі - синоптикалық жағдайды болжау (жел, жауын-шашын, ылғалдылық, ауа температурасы). Бұл болжамға сай, жұма күні Қазақстанның басым бөлігінде жауын-шашын болады.
Қолайсыз ауа-райында мына әрекеттер ұсынылады:
- көшеде, әсіресе магистральдарда немесе басқа ластау көзінің жанында уақыт өткізуді азайтыңыз. Балалар мен жүкті әйелдер ұзақ серуендеуден аулақ болуы керек;
- созылмалы өкпе аурулары, жүрек-қан тамырлары, аллергиялық аурулармен ауыратын адамдар өзімен бірге қажет дәрі-дәрмегін алып жүруі керек;
- ашық ауада физикалық белсенділікті шектеңіз. Дене шынықтыру мен спорт жабық спорт кешендерінде жүргізілуі керек.
Бұрын хабарланғандай, Каспий теңізі жағалауындағы қамыс алқабының өртенуіне байланысты Атырауда ауадағы көмірқышқыл газының жоғары деңгейі тіркелген.
Экология және табиғи ресурстар министрі Зүлфия Сүлейменова Атырау мұнай өңдеу зауытындағы түтін мен «Ақ Жайық» қорығында қамыстың өртенуін сыни жағдай туғызған «төтенше жағдайлар» деп атады.
