Азаматтар екі аптада 600 қаруды және 2,5 мыңнан астам патронды өз еркімен тапсырды

Ішкі істер министрлігінің 10-сәуірде басталған жыл сайын өткізетін заңсыз сақталған атыс қаруын, оқ-дәрілерді және жарылғыш заттарды халықтан сатып алу акциясы жалғасып жатыр, деп хабарлайды Zakon.kz.

Екі аптада ішкі істер органдарына 488 азамат жүгінді. Олар 600-ден астам атыс қаруын, 2,5 мыңнан астам патронды өз еркімен тапсырды.

"Еске сала кетейік, қару-жарақ заттарын ерікті түрде тапсырғаны үшін республикалық бюджеттен қарудың техникалық жағдайына байланысты оның әрбір бірлігі үшін 34 мыңнан 345 мың теңгеге дейінгі сомада төлем көзделеді", - делінген хабарламада.

Қару-жарақ заттарын қабылдау әр аумақтық полиция органында жүргізіледі. Бұл мақсатқа республикалық бюджеттен 88 млн. теңгеден астам қаржы бөлінген.