Арман Оразалиев БҚО полиция департаментінің бастығы болып тағайындалды

Сурет: Zakon.kz

Батыс Қазақстан облысы полиция департаментінің басшысы ауысты. Облыстық полицияға жаңа басшы болып Арман Оразалиев келді. Ол бұған дейін Қазақстан Республикасы Ішкі істер министрлігі Криминалдық полиция департаменті бастығының орынбасары қызметін атқарған, деп хабарлайды Zakon.kz .

Ақпаратты облыстық полиция департаментінің баспасөз қызметі растады:

"Қазақстан Республикасы Президенті әкімшілігімен келісе отырып, Ішкі істер министрі Марат Ахметжановтың бұйрығымен полиция полковнигі Арман Оразалиев Батыс Қазақстан облысының бас полицейі қызметіне тағайындалды".

Жаңа басшыны БҚО белсенділері мен ДП жеке құрамына ҚР Ішкі істер министрінің бірінші орынбасары Марат Қожаев таныстырды.

2016 жылдың 26 тамызынан бастап БҚО ПД басшысы қызметін Махсудхан Әбләзімов атқарды.

Арман Оразалиев 1975 жылы 26 мамырда Оңтүстік Қазақстан облысында (қазіргі Түркістан облысы) дүниеге келген. Құқық қорғау органдарында 1992 жылдан бері қызмет етіп келеді. Әртүрлі басшылық қызметтерді атқарған, соның ішінде Павлодар, Жамбыл облыстары полиция департаментінің басшысы болды.

Жаңа тағайындауға дейін ол Қазақстан Республикасы Ішкі істер министрлігі Криминалдық полиция департаменті бастығының орынбасары қызметін атқарып келді.

Оқи отырыңыз