Жетісу облысында жоғалған 15 жасар оқушы қыздың денесі өзеннен табылды

Сурет: Жетісу облысы ПД баспасөз қызметі

Жетісу облысы Панфилов ауданында өзен арнасынан тәртіп сақшылары екі күн бұрын жоғалып кеткен 15 жасар оқушы қыздың денесін тапты, деп хабарлайды Zakon.kz.

6 маусымда Панфилов ауданында соңғы екі күнде хабар-ошарсыз жоғалып кеткен жасөспірім қыздың денесі Әулие ағаш ауылынан 2-3 шақырым жерде Бұрақожыр өзенінің арнасынан табылды, деп хабарлайды Жетісу облысы полиция департаментінің баспасөз қызметі.

"Табылған денеде күштеу, зорлық-зомбылық белгілері жоқ. Полицейлер қажетті сараптамаларды тағайындай отырып, жасөспірім өлімінің барлық мән-жайын мұқият тексереді". Өңірлік ПД баспасөз қызметі

Ведоство атап өткендей, оқушы қызды іздеуге Панфилов аудандық полициясының жеке құрамы қатысты. Сондай-ақ іздестіру іс-шараларына облыстық департаменттің қызметкерлері, әскери қызметшілер, жергілікті тұрғындар, әкімдік қызметкерлері, мектеп оқытушылары мен еріктілер (200-ден астам адам) қосылды. Іздеуде жүрген жасөспірім қыз туралы ақпарат жақын маңдағы полиция бөлімшелеріне жіберілді, БАҚ пен әлеуметтік желілерде орналастырылды.

Облыстық полиция марқұмның туған-туыстарына қайғыларына ортақтасып, көңіл айтады.

Оқи отырыңыз