Экс-депутат Нұржан Әлтаев пара алды деген күдікпен ұсталды

Экс-депутат Нұржан Әлтаев пара алды деген күдікпен ұсталды, деп хабарлайды Zakon.kz.

Оның ұсталғаны туралы ақпаратты Сыбайлас жемқорлыққа қарсы іс-қимыл агенттігінің баспасөз қызметі растады:

"Біз оның аса ірі көлемде пара алды деген күдікпен ұсталғанын растаймыз", делінген хабарламада.

ҚР ҚПК 201-бабына сәйкес тергеу мүддесі үшін өзге ақпарат жария етуге жатпайды.

Нұржан Әлтаев 2019 жылдың ақпанынан 2020 жылдың қарашасына дейін Қазақстан Республикасы Парламенті мәжілісінің депутаты болды.