Абай облысындағы өртті сөндіру кезінде тағы бір адам жоғалып кетті

2023 жылғы 9 маусымынан бері Долан орман шаруашылығының тракторшысы Сергей Архипов хабар-ошарсыз кетті, деп хабарлайды Zakon.kz.

Әлеуметтік желіде тараған хабарламада 1987 жылы туған орман шаруашылығы қызметкері Абай облысындағы өртті сөндіруге көмектесуге барғаны айтылады.

Посмотреть эту публикацию в Instagram

Публикация от Оса Семей (@oo_osa_semey_vko)

"Іздестіру жұмыстарына көмек сұраймыз. Трактор нөмірі – F 937 ARE. Шақыру белгісі – "Марал 61". Қаштаққа "Семей орманы" резерватының Долан бөлімшесінен орман өртін сөндіруге кеткен. Соңғы рет 9-ы күні хабарласқан. Содан бері хабар-ошар жоқ. Көрген-білгендер болса, [phone] нөміріне хабарласыңыз", – делінген хабарламада.

2023 жылғы 8 маусымда Абай облысындағы "Семей орманы" резерваты аумағындағы орман өртеніп жатқаны хабарланды.