Ақмола облысындағы қорық аумағында алапат өрт болып жатыр

Сурет: Zakon.kz

15 маусымда Қорғалжын ауданы Шалқар ауылынан 25 шақырым қашықтықтағы "Қорғалжын қорығы" МҰТП аумағында, Сарыкөл ауданындағы аралда қамыс отқа оранды, деп хабарлайды Zakon.kz.

Өңірлік ТЖД мәліметінше, қазіргі уақытта ТЖД күштерімен 8 адам, 2 бірлік техника, 2 бірлік жүзу құралдары, сондай-ақ Қорғалжын қорығының 27 қызметкері мен 11 бірлік техникасы қызыл жалынмен күресуде.

"Өртті сөндіру жердің батпақты болуына, қатты желге, қамыстың тығыздығына және өрт ошағына кірме жолдардың қолжетімсіздігіне байланысты күрделене түсуде. Сондай-ақ, Целиноград ауданынан қосымша күштер мен техника келеді деп күтіледі", - деп хабарлайды Ақмола облысы ТЖД "ӨСжАҚЖҚ" ММ бастығы Нұрлан Күлбаев.

Қазіргі уақытта қызыл жалын 125 гектар аумаққа тараған. Өрттің шығу себебі анықталу үстінде. Елдімекендерге қауіп төніп тұрған жоқ.

Оқи отырыңыз