Алматыда құмар ойындарды жарнамалауға тыйым салынуы мүмкін
Сурет: unsplash
Алматы қалалық жоспарлау және урбанистика басқармасының басшысы міндетін атқарушы Еркебұлан Сембаевтың сөзінше, ереже жол қозғалысына қатысушылардың қауіпсіздігін қамтамасыз ететін жарнамалық құрылымдарға қойылатын талаптарды белгілеуге, қала орталығын тазартуға, жарнаманы қаланың айналасында біркелкі таратуға, стихиялы жарнама мен үлкен форматты құрылымның үлесін азайту арқылы қала келбетін жақсартуға бағытталған.
"Сонымен қатар сыртқы (көрнекі) жарнаманың кескіндерін орналастыру тәртібін айқындайтын Сыртқы (көрнекі) жарнаманың суреттерін орналастыру қағидалары әзірленіп, бекітілді", - деді ол.
Бұл ережелер құмар ойындарды жарнамалауға тыйым салатын ережені қамтыды. Өкінішке қарай, ҚР Әділет министрлігі төменгі нормативтік құқықтық акт заңнамалық актіге («Жарнама туралы» ҚР Заңы) қайшы келмейтінін алға тартып, алты ай бойы бұл норманы бекітуден бас тартты.
"Осы айтылғандарға байланысты Алматы қаласының әкімдігі "Алматы қаласының ерекше мәртебесі туралы" ҚР Заңына ойын бизнесін жарнамалауға тыйым салуды енгізу бойынша одан әрі шаралар қабылдап жатыр.Еркебұлан Сембаев
2023 жылдың 12 сәуірінде қазақстандықтар үш жылда құмар ойындарға триллион теңгеден астам ақша жұмсағаны хабарланды. Бұл туралы мәжіліс депутаты Руслан Берденов премьер-министр Әлихан Смайыловқа жолдаған депутат сауалында айтты.
