Жабдықталмаған жерде шомылған ер адам суға батып кетті
![Жабдықталмаған жерде шомылған ер адам суға батып кетті, сурет - Zakon.kz жаңалық 21.06.2023 13:15](https://kaz.zakon.kz/pbi/WEBP/2023-12-20/file-950932c7-9a57-4a06-843e-becbd42cf493/800x450.webp)
20 маусымда Глубокое ауданы Белоусовка ауылындағы Глубочанка көлінде жабдықталмаған жерге шомылған 1983 жылы туған ер адам суға батып кетті, деп хабарлайды Zakon.kz ТЖМ-ға сілтеме жасап.
Төтенше жағдайлар министрлігінің анықтауынша, ер азамат достарымен бірге су қоймасына келіп, орнатылған тыйым салынған белгіні елемеген. ШҚО ТЖД Жедел-құтқару жасағының сүңгуірлері денені судан алып шықты.
"Тыйым салынған белгілер - адамдардың қауіпсіздік шарасын сақтауы үшін берілген ақпарат. Олар күшті ағын, терең иірім, жақын жерде құтқарушылардың жоқ екені туралы хабарлайды", - деді ШҚО ТЖД бастығының орынбасары Арман Тоқанов.
ТЖД судағы жүріс-тұрыс ережелерін еске салды. Демалушылар мына жайттарға жол бермеуі қажет:
- шомылуға рұқсат етілмеген су айдынын таңдамаңыз;
- қандай жағдайда да мас күйде суға түспеңіз;
- қайықтардан, айлақтардан, тексерілмеген және жабдықталмаған орындарда суға секіру қауіпті;
- жүзуге арналмаған заттармен жүзуге болмайды;
- ересектердің қарауынсыз балаларға суға түсуге тыйым салынады;
- тәуекелге бармаңыз және өз күшіңізді асыра бағалап, алысқа жүзбеңіз.
- Төтенше жағдайда 101 немесе 112 нөміріне хабарласыңыз.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript