Семейде рұқсат етілмеген орында шомылған ер адам суға батып кетті

20 маусымда Ертіс өзенінде болған 37 жастағы ер адам суға батып кетті, оның денесі келесі күні табылды, деп хабарлайды Zakon.kz.

ШҚО ТЖД Жедел-құтқару жасағы сүңгуірлерінің күшімен іздестіру жұмыстары жүргізілді. 21 маусымда сағат 10: 57-де іздеу тобы жағалаудан 40 метр қашықтықта, шамамен 5 метр тереңдіктен марқұмның денесін тапты. Шығыс Қазақстан облысы ТЖД баспасөз қызметі

Құтқарушылар атап өткендей, су қоймасында кісі батқан орында терең шұңқырлар бар, сондықтан ол ара қауіпсіздік шараларына жауап бермейді.

Сурет: ШҚО ТЖД баспасөз қызметі

Бұрын аталған жерде рейдтік тексеріс кезінде спирттік ішімдік ішкені үшін 440-бап бойынша үш әкімшілік материал және ҚР Әкімшілік құқық бұзушылық туралы Кодексінің 364-бабы бойынша су пайдаланудың ортақ қағидаларын бұзғаны үшін 10 хаттама толтырылған болатын.

Сурет: ШҚО ТЖД баспасөз қызметі

ШҚО ТЖД азаматтардан құтқарушылардың ұсыныстарына немқұрайлы қарамауды және құтқарушылар мен дәрігерлер жедел жете алатын жабдықталған жағажайларда демалуды сұрайды.