Жетісу облысында өрт қаупі кезінде орманға баруға тыйым салынады

9 маусымдағы "Жоғары өрт қаупі кезеңінде мемлекеттік орман қоры аумағына жеке тұлғалардың баруына тыйым салу және Жетісу облысында орман пайдалану құқығын шектеу туралы" қаулысына өзгерістер мен толықтырулар енгізетін облыс әкімінің қаулысының жобасы дайындалды.

"Жеке тұлғаларға мемлекеттік орман қорының аумағына баруға, жүруге тыйым салу және орманның зиянкестерімен және ауруларымен күресу жөніндегі авиациялық-химиялық, авиациялық биологиялық және аэрозольдік іс-шараларды жүргізу кезінде, орман алқаптарында өрт қаупі жоғары кезеңде орманды пайдалану құқығын шектеу туралы қаулы", - делінген құжаттың қосымшасында.

Шешімнің орындалуын қамтамасыз ету "Жетісу облысының Табиғи ресурстар және табиғатты пайдалануды реттеу басқармасы" мемлекеттік мекемесіне жүктелді.

Құжат 12 шілдеге дейін қоғамдық талқылау үшін Ашық НҚА веб-сайтына жарияланған.

Ұлытау облысында да өрт қаупіне байланысты орманға баруға шектеу қойылады.

«Қазгидромет» РМК мәліметі бойынша, Қазақстанның бірқатар облыстарында, соның ішінде Жетісу облысында жоғары өрт қаупі бар.