Атырауда жекеменшік балабақшада үш жасар қыз бір саусағынан айырылды
![Атырау, жекеменшік балабақша, қыз, саусақ, шылдыр шүмек, сурет - Zakon.kz жаңалық 26.06.2023 22:54](https://kaz.zakon.kz/pbi/WEBP/2023-12-20/file-21d4dfcd-7451-4dc8-85b6-5fd135aa665d/800x450.webp)
Атыраудағы жекеменшік балабақшалардың бірінде үш жасар қыз шылдыр шүмегінен айырылды, деп хабарлайды Zakon.kz.
"Ақ Жайық" басылымының жазуынша, бұл жағдайдың қалай болғанын ата-анасы білмейді, ал балабақшадағылар оларға жарытып түсіндіріп бере алмаған.
Сәбиді ауруханаға тәрбиешінің өзі алып барған. Ата-анасын медицина мекемесіне барған соң шақыртқан.
"Сол қолдың 4-саусағының дистальды бунағының травматикалық жұлынуы. Ортопед-травматологтың консультациясы, саусақ/табан рентгенографиясы, жараны хирургиялық өңдеу, таңу, инфильтративті анестезия".Денсаулық сақтау басқармасының баспасөз қызметі
Қыздың ата-анасы полицияға арыз жазған.
ҚР Қылмыстық кодексінің "Балалардың өмірі мен денсаулығының қауіпсіздігін қамтамасыз ету жөніндегі міндеттерді тиісінше орындамау" (141-бап) бойынша сотқа дейінгі тергеу басталды, сот сараптамасы тағайындалды.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript