Қостанайда бір күнде екі бала терезеден құлап кетті

Қостанайда бір тәулікте екі бала терезеден құлаған, деп хабарлайды Zakon.kz.

Бұл жөнінде 1 шілдеде Қостанай облысы төтенше жағдайлар департаментінің баспасөз қызметі мәлімдеді.

Ведомствоның мәліметінше, 30 маусым күні сағат 12:30-да "101" құтқару қызметіне Қобыланды батыр даңғылының бойындағы үшінші қабаттың терезесінен бір жасар бала құлап кеткені туралы ақпарат келіп түскен. Бала ауыр халде ауруханаға жеткізілді, оның бас сүйегі сынған, миы зақымданған.

Сол күні сағат 20:20-да екі жасар бала Орал көшесіндегі үйлердің бірінің екінші қабатының терезесінен құлап кеткен. Қазір олар травматологияда жатыр.

ТЖД кішкентай балалардың ата-анасына мұндай жағдайлардың алдын алу үшін сақтық шараларын сақтау ұсынылды: кішкентай балаларды қараусыз қалдырмаңыз, жиһазды терезеден алыс қойыңыз, терезелерге арнайы ысырмалар қойыңыз.