Талдықорғанның мәйітханасына 5,5 млн айыппұл салынды

Сурет: Zakon.kz

Талдықорғандағы мәйітханадан санитарлық нормаларды сақтамағаны үшін 5,5 миллион теңге айыппұл өндірілді, деп хабарлайды Zakon.kz.

Мәйітхананы тексеру әлеуметтік желідегі атышулы видеодан кейін басталды, деп хабарлайды КТК.

Санитарлық-эпидемиологиялық бақылау қызметкерлеріне толық антисанитарлық жағдайдың фотосы ұсынылды. Ғимарат пен құрал-жабдықтар аянышты жағдайда болған. Мамандар хаттама жасап, басшылыққа айыппұл салып, барлық заң бұзушылықтарды тез арада жоюды талап етті.

"Санитарлық нормалардың сақталмауы, оның ішінде ғимараттағы санитарлық-дезинфекциялық режимнің сақталмауы бар. Ғимарат өте ескі деп танылды. Сонымен қатар кәріз құбырлары да стандартқа сай келмеді. Осындай заң бұзушылықтарды анықтаған соң мекеменің мамандары тексеру жүргізді. Біздің департамент осы филиалдың басшылығына 1600 АЕК көлемінде айыппұл салды".Жетісу облысы бойынша санитарлық-эпидемиологиялық бақылау департаментінің баспасөз хатшысы Әлия Шағиахмет

Бұған дейін Ақмола облысының соты Астанадағы мейрамханаларға ит етін жеткізген азаматқа қатысты үкім шығарып, айыппұл салғаны белгілі болған.

Оқи отырыңыз