"Биыл 9-рет": Бурабай ұлттық паркінде өрт болды

Сурет: Zakon.kz

"Бурабай" мемлекеттік ұлттық табиғи паркі 13 шілде күні Темнобор орманшылығының аумағында 0,001 га алқапта табиғи өрт болғанын айтты. Өрттің себебі – найзағай разряды, деп хабарлайды Zakon.kz.

"Орман өрттерінің бейнемониторинг камералары осы телімде сағат 11.00-де түтінденуді тіркеді. Өртті сөндіру сағат 11.15-те басталды. Өрт сөндірілді. Сонымен қатар жануды тоқтату және өрттің қайта басталуына жол бермеу шаралары жүргізілді. Жану себебі – найзағай разряды", - делінген "Бурабай" Мемлекеттік ұлттық табиғи паркі" ММ хабарламасында.

Сөндіруге 2 техника (1 тікұшақ, 1 өрт сөндіру машинасы) және 8 адам (4 орман күзеті және МҰТП орманшылығының қызметкері, 4 авиапатрульдік қызметкер) қатысты.