Атырау облысында заңсыз көші-қон арнасы кесілді

Атырау облысы, заңсыз көші-қон, ҚР ҰҚК, сурет - Zakon.kz жаңалық 20.07.2023 10:10

Сурет: gov.kz

Ұлттық қауіпсіздік комитеті Атырау облысында заңсыз көші-қон арнасының жолы кесілгенін мәлімдеді, деп хабарлайды Zakon.kz.

17 шілдеде Ұлттық қауіпсіздік комитетінің Атырау облысы бойынша департаменті Қазақстан Республикасы Қылмыстық кодексінің 394-бабының 2-тармағы бойынша сотқа дейінгі тергеп-тексеруді бастады (заңсыз көші-қонды ұйымдастыру).

"Қылмыстық іс бойынша жан-жақтылық, толықтылық пен объективтілікті қамтамсыз етуге бағытталған бірқатар тергеу амалдары жүргізілді. Бұл әрекеттер ұйымның коммерциялық және өзге жұмысына кедергі келтірмейді", – дейді ҚР Ұлттық қауіпсіздік комитетінің баспасөз қызметі.

Комитет өкілдері ешкім ұсталмағанын атап өтті.

Өзге ақпарат Қылмыстық-процестік кодекстің 201-бабының талаптарына сәйкес жария етілмейді.

2023 жылғы 12 және 14 шілдеде Ұлттық қауіпсіздік комитетінің Алматы қаласында өткізген іс-шаралары нәтижесінде екі есірткі зертханасы мен химиялық прекурсорлардың ірі қоймасы жойылды.

Оқи отырыңыз