Катонқарағайдағы Берел орманшылығының аумағындағы өрт сөндіріліп жатыр

Катонқарағай ауданында Берел орманшылығының аумағындағы жартасты, таулы, жетуі қиын жерлерде өрт болған. Оны сөндіру жалғасып жатыр, деп хабарлайды Zakon.kz Төтенше жағдайлар министрлігіне сілтеме жасап.

1700 метрден астам биіктегі 3 гектар аумақта жартастардағы жекелеген ағаштарды өрт шарпыған. Орманшылар мен өрт сөндірушілер атпен және ШҚО әуе бөлімшесінің МИ-8 тікұшағының көмегімен өрт орнына жеткен.

"Қазавиаорманқорғау МИ-2 тікұшағы әуеден жағдайды үнемі қадағалап отырады. Қорғаныс министрлігінің Ми-171 және ШҚО әуе бөлімшелерінің МИ-2 тікұшақтары өрт ошақтарына әуеден 19 рет су рет көлемі 50 тоннаға жуық су төкті. 155 орманшы, өрт сөндіруші және жергілікті атқарушы органдар, 13 бірлік техника және 3 тікұшақ өртті сөндіруді жалғастырып жатыр", - делінген ШҚО ТЖД баспасөз қызметі хабарламасында.