Антикор БҚО әкімінің орынбасары мен "Ақжайық" ӘКК экс-басшысының ұсталғанын жоққа шығарды

Кейбір бұқаралық ақпарат құралдарында және Тelegram-дағы арналарда Батыс Қазақстан облысы әкімінің орынбасары мен "Ақжайық" ӘКК экс-басшысын Сыбайлас жемқорлыққа қарсы қызметтің ұстағаны туралы ақпарат тарап жатыр, деп хабарлайды Zakon.kz.

Сыбайлас жемқорлыққа қарсы іс-қимыл агенттігі осы ақпараттың шындыққа жанаспайтынын айтты.

"Бұл ақпарат шындыққа сәйкес келмейді. Аталған адамдар ұсталған жоқ. Қылмыстық істерді тергеу туралы барлық өзекті ақпарат Антикордың ресми сайтында және Тelegram-арнасында жарияланады. Азаматтардан ресми көздерден алынған ақпаратқа сенуді сұраймыз", - делінген хабарламада.