Алматыда оқушы қызды жүк көлігі қағып кетті

Әлеуметтік желіде болған жайттың бейнежазбасы жарияланды.

"Жүк көлігінің жүргізушісі Солтүстік айналма жолымен келе жатып, жолды рұқсат етілмеген жерден кесіп өтіп бара жатқан жаяу жүргіншіні қағып кеткен. Жәбірленуші ауруханаға жатқызылды. Жетісу аудандық полиция бөлімінің қызметкерлері жол-көлік оқиғасының мән-жайын анықтап жатыр", – деп хабарлады Алматы полиция департаментінің баспасөз қызметі.

Көлік қағып кеткен 15 жасар қыз Алматы қаласындағы Балалар жедел медициналық жәрдем орталығына шұғыл түрде жатқызылған.

"Бала жол апатынан зардап шекті: қызды Солтүстік айналма жолының бойында жүк көлігі қағып кеткен, соққының салдарынан қыз бірнеше метрге ұшып кетіп, басы асфальтқа тиген. Қабылдау бөлімінде клиникалық-зертханалық зерттеулер мен мамандардың консультациясы жүргізілді".Алматы денсаулық сақтау басқармасының баспасөз қызметі

Дәрігерлердің айтуынша, қыз жабық бас сүйек-ми зақымын алған, миы шайқалған, қол-аяғы жарақаттанған. Қазір ол Балалар жедел медициналық жәрдем орталығының нейрохирургия бөлімінде ем алып жатыр.

Оқи отырыңыз

Павлодарда автобус аялдамасы маңында бір бойжеткенді көлік қағып кетті

22:56, 26 шілде 2024

Қызылорда облысында сирек кездесетін жыртқыш аң - қара құлақты қаскөйлер атып тастаған

19:45, 26 шілде 2024

LEGO брендімен қауіпті контрафактілік ойыншықтардың сатылымына тосқауыл қойылды

16:21, 26 шілде 2024