Мектеп бухгалтері бюджеттен 76 млн теңге жымқырғаны үшін 7 жылға сотталды

Сурет: freepik

Маңғыстау облысында прокурорлар облыс орталығының жалпы білім беретін мектептерінің бірінде 76 млн теңгеден астам бюджет қаражаты жымқырылғанын анықтады, деп хабарлайды Zakon.kz.

Штаттық кесте мен банктік шоттарды салыстыру барысында 3 жыл бойы өзіне артық соманы есептеген мектептің бас бухгалтерінің тиісті және іс-жүзінде төленген жалақысының арасындағы айырмашылық анықталды. Аталған факті бойынша прокурорлармен қылмыстық іс қозғалып, тергеу ЭТД-не тапсырылды.

"Тергеу барысында аталған мектептің есепшісі кінәсін толықтай мойындады. Сот үкімімен кінәлі адам ҚР Қылмыстық кодексінің 189-бабының 4-бөлігі (сеніп тапсырылған мүлікті иемдену және ысырап ету) бойынша 5 жыл мерзімге материалдық-жауапты лауазымдарды атқару құқығынан айыра отырып, 7 жылға бас бостандығынан айырылды", - делінген Маңғыстау облысы прокуратурасының хабарламасында.

Сот үкімі заңды күшіне енген жоқ.

Оқи отырыңыз