Суға түсу маусымы басталғалы Шығыс Қазақстан облысында алты адам суға кеткен
Сурет: Zakon.kz
Шығыс Қазақстан облысында суға түсу маусымы басталғалы алты адам суға батып кеткен. Облыстық Төтенше жағдайлар департаменті суға түсу ережесін қатаң сақтауға шақырды, деп хабарлайды Zakon.kz.
"Қайғылы оқиғаның бәрі суға түсуге арнайы жабдықталмаған орындарда болған", - дейді ШҚО төтенше жағдайлар департаменті бастығының орынбасары Арман Тоқанов.
Суға түсу маусымы басталғалы Төтенше жағдайлар департаментінің қызметкерлері еріктілермен және жергілікті атқарушы органдармен бірлесіп тұрақты түрде профилактикалық рейдтер жүргізіп келеді. Патрульдеу кезінде құтқарушылар жеті адамға көмектескен.
"Полициямен бірлесіп 76 құқық бұзушы әкімшілік жауапкершілікке тартылды. Жалпы суды пайдалану ережелерін бұзған 26 тұлғаға ескерту жасалды, су айдындарындағы қауіпсіздік ережелерін бұзған алты азамат ҚР ӘҚБтК-нің 412-бабы бойынша жауапқа тартылды". ШҚО ТЖД баспасөз қызметі
Құтқарушылар облыс тұрғындарын судағы өзін-өзі ұстау ережелерін қатаң сақтауға шақырды.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
