Қостанайда астық қоймасына найзағай түсті

Қостанай облысы, астық қоймасы, найзағай, сурет - Zakon.kz жаңалық 03.08.2023 09:39

Сурет: gov.kz

Қостанайдағы астық қоймасын найзағай жарып жіберді. Апат жөнінде Zakon.kz сайтына ҚР Төтенше жағдайлар министрлігінің өнеркәсіптік қауіпсіздік комитеті хабарлады.

Ведомствоның мәліметінше, 2023 жылғы 1 тамызда сағат 21.50 шамасында "Компания САЛАМАТ" ЖШС диірмен кешенінің аумағында құрылыстар құлады.

"Алдын ала ақпараттарға сәйкес құрылыстарға найзағай тиген. Бұл жағдай авария ретінде тіркелді".ҚР ТЖМ ӨҚК Қостанай облысы бойынша департаменті

Зардап шеккендер жоқ.

Сурет: gov.kz

Оқиға орнында ҚР Төтенше жағдайлар министрлігі өнеркәсіптік қауіпсіздік комитетінің Қостанай облысы бойынша департаментінің қызметкерлері жұмыс істеп жатыр.

"Барлық қатысы бар адамдар анықталғаннан кейін Департамент жанынан аварияны тергеу жөніндегі комиссия құрылады. Тергеу қорытындысы қосымша хабарланады", – делінген хабарламада.