Шымкентте қараусыз екі бала суару каналына құлап, суға батқан

8 тамызда Шымкентте Қаратау ауданындағы саяжайға арналған суару каналынан 2 жасар баланың денесі табылды. Тереңдігі 50 см, ені 1,5 метр болатын суару каналына құлап, тұншыққан бала қараусыз жүргені белгілі болды, деп хабарлайды Zakon.kz.

Тағы бір жазатайым оқиға 7 тамызда Абай ауданының Алматы тасжолы бойында орын алған, деп хабарлайды Otyrar.kz.

Көшеден өтіп бара жатқан адамдар қалалық тазарту жүйесінен бір жастағы қыздың денесін көріп қалған. Тазарту жүйесінің тереңдігі - 40 см, ені - 1 метр.

Өңірлік төтеншеліктер бұл жағдайда да баланың ата-анасының қарауынсыз болғанын нақтылайды.