Той деп жол ережесін өрескел бұзған көлік жүргізушісі ұсталды

Сурет: pexels

Түркістан облысының полицейлері жол ережесін өрескел бұзған жүргізушіні жауапкершілікке тартты. Бұған дейін әлеуметтік желіде күйеужігіт пен қалыңдық мінген көлік полицейлердің жарқырайтын дабылын қосып, тас жол бойымен жүріп өткен видео тараған еді, деп хабарлайды Zakon.kz.

Әлеуметтік желілерге мониторинг жүргізу барысында той кортежінде жол ережесін сақтамаған және рұқсат етілмейтін қызыл-көк түсті маяк орнатып, тіпті мемлекеттік тіркеу нөмірінсіз трассада емін-еркін жүрген екі көліктің бейнежазбасы анықталды.

"Құқық бұзушылық Қазығұрт ауданында болған. ВАЗ 21015 көлігі анықталып, оның жүргізушісіне ҚР ӘҚБтК 590-бабы 2-бөлігі, 603-бабы 2-бөлігі, 601-бабы 1-бөлігі бойынша жауапқа тартылды. Жүргізуші кінәсін толық мойындады", - делінген Ішкі істер министрлігінің хабарламасында.

Ал бейнежазбадағы екінші Lada Granta көлігін басқарған шымкенттік тұрғынның жеке басы анықталды. Оны тәртіп сақшылары іздеп жатыр.

Оқи отырыңыз